Վրաստանի արևմուտքում` Աբխազիային սահմանակից Զուգդիդի քաղաքում այսօր առավոտյան ահաբեկչություն է կանխվել: Անհայտ անձը փորձել է պայթեցնել դատախազության շենքը: Պահակախմբի ծառայողները ուշադրություն են դարձրել մի քաղաքացու վրա, ով շենքի մոտ պայուսակ է թողել և փորձել է արագ հեռանալ: Կասկածյալին անմիջապես ձերբակալել են: Պայթուցիկը վնասազերծվել է: ՆԳՆ-ի պաշտոնական հայտարարության մեջ ասված է, որ ձերբակալված անձն ահաբեկչության նպատակով Վրաստան է թափանցել Աբխազիայից` իր հետ բերելով պայթուցիկ նյութեր: