Այսօր Լոռու մարզի Թեղուտ գյուղի բնակիչները, ի նշան բողոքի, մոտ 4 -5 ժամ փակել են պղնձի հանքավայր տանող ճանապարհը: Այն բացվել է, երբ դեպքի վայր են ժամանել Լոռու մարզպետը և ոստիկանության Լոռու մարզային վարչության պետը: Դրանից հետո հանքավայրը տնօրինող Թեղուտ փակ բաժնետիրական ընկերության գլխավոր տնօրենի տեղակալ Ռուբեն Պապոյանն աշխատանքից ազատել է հանքավայրի անվտանգության ծառայության պետ Սամվել Դավթյանին և նրա տեղակալ Արթուր Գրիգորյանին: Թեղուտցիները ճանապարհը փակել էին, բողոքելով նախօրյակին անվտանգության ծառայողների կողմից իրենց 4-5 համագյուղացիներին ծեծի ենթարկելու դեմ: