Կարտոֆիլի, աշնանացան ցորենի լավ բերք, առատ խոտ. գյուղատնտեսական այս տարին, ըստ գյուղատնտեսների, ընդհանրապես բարեբեր է լինելու: Ուշ հեռացող ձյունը անհամեմատ նվազեցնում է նաև ցրտահարությունների վտանգը: Նախորդ տարվա համեմատությամբ միակ բացասական կողմը բերքի ուշ հասունանալը կլինի: Այսինքն` և մրգի և բանջարեղենի բոլոր տեսակներն ավելի ուշ կհամտեսենք: Իսկ Արարատյան դաշտում գյուղացին դժվար թե հնարավորություն ունենա մեկ տարվա մեջ երկրորդ բերքահավաքն անել: