Տնտեսական մրցակցության պաշտպանության պետական հանձնաժողովն այսօր վարչական վարույթներ է հարուցել դեղերի վաճառքով զբաղվող թվով 15 ընկերությունների և 12 բուժհաստատությունների նկատմամբ : Հանձնաժողովն այդ ընկերություններում մի շարք խախտումներ էր բացահայտել: Ըստ հանձնաժողովի եզրակացության բուժհաստատությունների կողմից օրենսդրությամբ սահմանված կարգով մրցույթներ չեն հայտարարվել, իսկ որոշ դեպքերում դրանք կրել են ձևական բնույթ։ Բացի այդ, հայտնաբերվել են դեպքեր, երբ բուժհաստատությունները մրցույթների ավարտից հետո ինքնակամ հրաժարվել են մրցույթում հաղթող ճանաչված կազմակերպության հետ պայմանագիր կնքելուց: Ընդհանուր առմամաբ` ուսումնասիրված 134 բուժհաստատություններից նման խախտումներ հայտնաբերվել են 109-ի մոտ: